Panglipur sak wetawis (Mini Market)

MINI MARKET
Wonokairun lagi blonjo ono minimarket cedhak omahe. Sing dituku daging kalengan gawe pakane kucing.
Pas arep mbayar, Wonokairun ditakoni karo kasire.
"Mbah, yen sampeyan katene tuku pakan kucing iki, sampeyan kudhu mbuktekno yen sampeyan iku ndhuwe kucing.
Aku khawatir yen pakan kucing iki sampeyan emplok dhewe. " jare Bunali,kasire.
Wonokairun gak protes, mulih diluk nang omah njur mbalik karo nggendhong kucing dipamerno ndhik Bunali.
"Iki kucingku " jare Wonokairun ambek mbayar daging kalengan gawe kucinge.
Sisuke Wonokairun teko maneh nang minimarket, saiki tuku biskuit balung pakane asu.
Pas katene mbayar, ditakoni maneh karo Bunali.
"Mbah, sampeyan ndhuwe asu tah ?. Aku khawatir yen tibake pakan asu iki sampeyan krokoti dhewe. " jare Bunali, kasire.
Wonokairun gak protes, mulih maneh njur mbalike nuntun asu dipamerno ndhik Bunali.
"Iki asuku " jare Wonokairun terus mbayar biskuit balung gawe asune.
Sisuke Wonokairun teko maneh ndhik minimarket, saiki nenteng kardus bekase indomi sing pinggirane dibolongi sak driji.
"Mbah, sampeyan arep tuku pakane ulo yo ? " jare Bunali. "Iki isine dhudhuk ulo.
Cobo tanganmu lebokno kene yen kepingin ngerasakne.
"Wis to tak jamin ora bakal nyatek. " jare Wonokairun.
Pertama Bunali mondo wedhi, tapi sakbare dibujuk Wonokairun akhire Bunali kendhel. Drijine dilebokno nang bolongane kerdus.
Jebul njerone onok gembuk- gembuke. Pas drijine ditarik maneh, ambune malih ora huenak.
Bunali misuh-misuh gak karuan,
"jangkrik ki, ancene wong dhobhol, lha kok sampeyan kongkon aku ndhemok telek(tai)."
"Nah saiki, oleh kan aku tuku tisu kamar mandi ?wong aku wes gowo buktine." jare Wonokairon

Liyane