Gara-gara duwe mantu kemplo ( panglipur sakwetawis )

Jenenge asli Joko Lelono, ning luwih dikenal Joko Kemplo, pancen wonge rada kemplo senengane gledisan aja maneh karo kanca-kancane lha wong morotuane dewe wae ya sering digawe keki merga pokal gawene.
Bengi kuwi morotuane Kemplo nesu nemen getem-getem nganti megab-megab dadane polahe ditangisi anake wendok siji-sijine ya bojone Kemplo wadul yen rumangsa difitnah dituduh jarene olehe ngandung bayine ora karo sing lanang.

Suwe ditunggu, akhire Kemplo teko nyang omahe morotuane saperlu nggoleki sing wedok, langsung wae diclathu diunek-unekne morotuane sing ora trima anake wedok digawe wirang pungkasane pilih kon pegatan wae tinimbang duwe mantu sing kurang tata kaya Kemplo.
Aneh kemplo malah cengengesan karo jawab sak kepenake :
“…….Angsal boten angsal simah kula badhe kulo beta wangsul, njenengan niku kok tegel nembe kemawon putrane bangun rumah tangga kalih kula kok didhawuhi pegatan, napa malih piyambake sakniki pun ngandhek. pancen leres angsale ngandhek boten kalih kula, ngandhek nggih kersane ngandhek piyambak, boten sah kalih kula nawi kula tumut ngandek rak nggih malah aneh wong mboten gadah wadah, mboten gadah dalane...?!